August 13, 2022

ValarTamil Publications

AgriDoctor & Kaalaimani

அரசு அலுவலகங்களில் 50 சத ஊழியர்களுக்கே அனுமதி – புதிய வழிகாட்டி நெறிமுறைகள் மத்திய அரசு வெளியீடு

புது தில்லி, ஏப்.20

நாடு முழுவதும் கோவிட் தொற்று வேகமாக பரவி வருவதை தொடர்ந்து மத்திய அரசு அலுவலகங்களில் ஊழியர்களுக்கு கட்டுப்பாடுகள் அறிவிக்கப்பட்டுள்ளதாக செய்திகள் வெளிவந்துள்ளது.

இது குறித்து அரசு வழிகாட்டி நெறிமுறைகள் வெளியிட்டுள்ளது.

துணை செயலாளர் மட்டத்திலான அதிகாரிகள், அதற்கு மேற்பட்ட அதிகாரிகள் தினமும் அலுவலகம் வரவேண்டும். துணை செயலாளருக்கு குறைந்த அதிகாரிகள் மற்றும் ஊழியர்கள் 50 சதத்தினருக்கே அனுமதி அளிக்கப்படும்.

மாற்றுத்திறனாளிகள், கர்ப்பிணிகளை வீட்டிலிருந்தே பணியாற்ற அனுமதிக்கலாம். ஒரே நேரத்தில் அலுவலகத்தில் குவிவதை தடுக்க 9 மணி முதல் 5.30 மணி வரை, 9.30-6 மணி, 10-6.30 மணி என மாற்று பணி நேரம் வழங்க வேண்டும் என வெளியிடப்பட்டுள்ளது.

மேலும், அலுவலகத்துக்கு வராத ஊழியர்கள் எப்போதும் தொலைபேசி அல்லது மின்னணு சாதனங்கள் மூலம் தொடர்பு கொள்ளும் வகையில் இருக்க வேண்டும். அவர்கள் வீட்டில் இருந்து பணியாற்றவும் வேண்டும். இந்த கட்டுப்பாடுகள் அனைத்தும் உடனடியாக அமலுக்கு வருவதாக கூறியுள்ள மத்திய பணியாளர் நலத்துறை மந்திரி ஜிதேந்திர சிங், இது வருகிற 30-ந்தேதி வரை அல்லது அடுத்த உத்தரவு வரும் வரை இருக்கும் என தெரிவித்துள்ளார்.

மேலும் இந்த வழிமுறைகளை மாநிலங்கள் மற்றும் யூனியன் பிரதேசங்களும் பின்பற்றும் என நம்பிக்கை வெளியிட்டுள்ளார்.

Spread the love