October 17, 2021

ValarTamil Publications

AgriDoctor & Kaalaimani

ஆகஸ்ட் மாதத்தில் தொழில் துறை உற்பத்தி 11.9 சதமாக உயர்வு: மத்திய புள்ளியல் துறை

புது தில்லி, அக்.13

கடந்த ஆகஸ்ட் மாதத்துக்கான, நாட்டின் தொழில்துறை உற்பத்தி குறியீட்டின் அடிப்படையிலான தரவுகளை மத்திய புள்ளியியல் அலுவலகம் வெளியிட்டுள்ளது. இதன்படி, நாட்டின் தொழில்துறை உற்பத்தி, கடந்த ஆகஸ்ட் மாதத்தில் 11.9 சதமாக உயர்ந்துள்ளது.

இதுவே, கடந்த ஆண்டு ஆகஸ்ட் மாதத்தில் 7.1 சதமாக இருந்தது குறிப்பிடத்தக்கது. மேலும் நடப்பு ஆண்டு ஆகஸ்டில், தயாரிப்பு துறையின் உற்பத்தி வளர்ச்சி 9.7 சதமாக உயர்ந்துள்ளது. இதேபோல், சுரங்க துறை உற்பத்தி 23.6 சதம் அதிகரித்துள்ளது.

மின்சார உற்பத்தியும் 16 சதம் அளவுக்கு அதிகரித்துள்ளது. நடப்பு நிதியாண்டில், ஏப்ரல் முதல் ஆகஸ்ட் வரையிலான காலத்தில், தொழில்துறை உற்பத்தி 28.6 சதம் உயர்ந்துள்ளது. இதுவே, கடந்த நிதியாண்டில் இதே காலத்தில் மைனஸ் 18.7 சதமாக குறைந்திருந்தது. கடந்த ஆண்டு கொரோனா பரவல் காரணமாக, ஊரடங்குகள் அதிகம் இருந்ததை அடுத்து, இந்த சரிவு ஏற்பட்டிருந்தது.

குறிப்பாக, கடந்த ஆண்டு ஏப்ரலில், அதிகபட்சமாக மைனஸ் 57.3 சதமாக சரிந்தது குறிப்பிடத்தக்கது.

Spread the love