January 23, 2022

ValarTamil Publications

AgriDoctor & Kaalaimani

இந்தியாவில் கோவிட் தொற்று அவசர சிகிச்சைக்கு விராஃபின் மருந்தை பயன்படுத்த அனுமதி

புது தில்லி, ஏப்.24

இந்தியாவில் கோவிட் தொற்று நாளுக்கு நாள் அதிகரித்து வரும் நிலையில், அவசர மருந்துகளுக்கு தட்டுப்பாடு நிலவியுள்ளது. இந் நிலையில் புதிய மருந்துக்கு மத்திய அரசு அனுமதி அளித்துள்ளது.இந்தியாவில்

புதிய தொற்று கடந்த 24 மணி நேரத்தில் 3 லட்சத்து 32 ஆயிரத்து 730 பேருக்கு உறுதி செய்யப்பட்டுள்ளது.

தொற்று பரவல் அதிகரித்து வருவதால் பல்வேறு மாநிலங்களில் ஆக்சிஜன் தட்டுப்பாடு, தடுப்பூசி தடுப்பாடு, ரெம்டெசிவிர் மருந்து, படுக்கை வசதிகளுக்கு தட்டுப்பாடு ஏற்பட்டுள்ளது. தட்டுப்பாடுகளை பூர்த்தி செய்யும் நடவடிக்கையில் மத்திய, மாநில அரசுகள் தீவிரமாக காட்டி வருகின்றனர்.

இந்நிலையில் இந்தியாவில் கோவிட் சிகிச்சைக்கு விராஃபின் எனும் மருந்தை பயன்படுத்த மத்திய அரசு அனுமதி அளித்துள்ளதாக செய்திகள் வெளிவந்துள்ளது. இந்த மருந்தை ஜைடஸ் நிறுவனம் தயாரித்துள்ளது.

விராஃபின், லேசான அறிகுறியால் பாதிக்கப்பட்ட நோயாளிகளுக்கு சிகிச்சையளிப்பதில் வெற்றிகரமாக இருப்பது கண்டறியப்பட்டு உள்ளது. ஆன்டிவைரலுடன் சிகிச்சையளிக்கப்பட்ட நோயாளிகளில் 91.15 சதம் பேர் நாள் 7க்குள் ஆர்டி-பி.சி.ஆர் சோதனையில் தொற்று இல்லை என கண்டறியப்பட்டது.

நாடு முழுவதும் 20-25 மையங்களில் சோதனை நடத்தப்பட்டது, விராஃபின் எடுத்து கொண்ட நோயாளிகளுக்கு குறைவான துணை ஆக்ஸிஜன் தேவை என்பதைக் காட்டியது. தொற்று பாதித்தவர்களுக்கு சிகிச்சையளிப்பதில் மிகப்பெரிய சவால்களில் ஒன்றாக இருந்த சுவாசக் கோளாறு மற்றும் தோல்வியை இந்த ஆன்டிவைரல் கட்டுப்படுத்த முடியும் என்பதை சோதனைகள் சுட்டிக்காட்டுகின்றன என இந் நிறுவனம் தெரிவித்துள்ளது.

Spread the love