May 10, 2021

ValarTamil Publications

AgriDoctor & Kaalaimani

இந்தியாவுக்கு தேவையான மருந்து பொருட்களை வங்காளதேசம் அனுப்பி வைக்க முடிவு

டாக்கா, ஏப்.30

நாட்டில் கோவிட் தொற்றின் முதல் அலையைவிட 2வது அலை தீவிர பாதிப்புகளை ஏற்படுத்தி வருகின்றன.

நடப்பு ஆண்டு தொடக்கத்தில் பாதிப்பு விகிதம் சரிவை நோக்கி சென்றது ஆறுதல் அளித்தது. ஆனால், உலக அளவில் மக்கள் தொகையில் 2வது இடத்திலுள்ள இந்தியாவில் பாதிப்பின் தீவிரம் நாள்தோறும் அதிகரித்துக வருகிறது. இதனால், பல உலக நாடுகள் முன்னெச்சரிக்கை நடவடிக்கையாக இந்தியாவுடனான விமான சேவைக்கு தற்காலிக தடை விதித்துள்ளன.

இந்தியாவில் கொரோனா நோயாளிகள் எண்ணிக்கை உயர்ந்து வரும் சூழலில், அவர்களுக்கு தேவையான படுக்கைகள், ஆக்சிஜன், மருந்துகள், தடுப்பூசிகள் மற்றும் மருத்துவ உபகரணங்கள் உள்ளிட்டவை போதிய அளவுக்கு மக்களுக்கு கிடைக்காத சூழல் நிலவுகிறது.

தொடர்ந்து உலக அளவில் அதிக பாதிப்புகளை சந்தித்து வரும் இந்தியாவுக்கு அமெரிக்கா, இங்கிலாந்து, ஜெர்மனி, நியூசிலாந்து, ரஷ்யா, சிங்கப்பூர் மற்றும் பல நாடுகள் கோவிட் தொற்றுக்கு எதிராக போராட இந்தியாவுக்கு உதவ தயாராக இருக்கிறோம் என உறுதியளித்து இருந்தன.

இந்நிலையில், ரெம்டெசிவிர் உள்பட அவசரகால தேவைக்கான மருந்துகள், மருத்துவ சாதனங்கள் மற்றும் பிற மருந்து பொருட்களை அடுத்த வாரம் இந்தியாவுக்கு அனுப்பி வைக்க வங்காளதேச அரசு முடிவு செய்துள்ளதாக செய்திகள் வெளியாகியுள்ளது. இது குறித்து அந்நாட்டு வெளியுறவு செயலாளர் மசூத் பின் மோமென் தெரிவித்துள்ளதாவது: இந்தியா எங்களிடம் ரெம்டெசிவிர் மருந்துகளை கேட்டிருந்தது. அதனை அனுப்பி வைப்பதற்கான நடவடிக்கைகளை நாங்கள் எடுத்து இருக்கிறோம் என தெரிவித்துள்ளார்.

இவற்றில் வைரசுக்கு எதிரான 10 ஆயிரம் மருந்து குப்பிகள், 30 ஆயிரம் பி.பி.இ. உபகரணங்கள் மற்றும் ஜிங்க், கால்சியம், வைட்டமின் சி மற்றும் பிற தேவையான சத்துகள் நிறைந்த மருந்துகள் ஆகியவை ஆயிரக்கணக்கில் அனுப்பி வைக்கப்படும்.

Spread the love