August 8, 2022

ValarTamil Publications

AgriDoctor & Kaalaimani

எஸ்.புதூர் வட்டார விவசாயிகளுக்கு பயிர் பாதுகாப்பு இரசாயனங்களை கையாளும் பொழுது கடைபிடிக்க வேண்டியவை

பயிர் உற்பத்தியில் பூச்சி நோய் மற்றும் களை மேலாண்மையில் பயிர் பாதுகாப்பு இரசாயனங்களை கையாளும் பொழுது பின்வருவனவற்றை தவறாமல் கடைபிடிக்க வேண்டும்.

தெளிப்பு கரைசல் தயாரிக்கும் பொழுது
· கலங்கலான அல்லது தேங்கியுள்ள தண்ணீரை பயன்படுத்தக்கூடாது.
· பாதுகாப்பு கவசங்கள் அணியாமல் தெளி;ப்பிற்கான கரைசல் தயாரிக்கக் கூடாது.
· எந்த ஒரு உடல் பாகத்திலும் தெளிப்புக் கரைசல் படக்கூடாது.
· கொள்கலன் லேபிளில் உள்ள குறிப்புகளை தவறாமல் படிக்க வேண்டும்.
· தயாரித்த 24 மணி நேரத்திற்கு பிறகு மீதியுள்ள கரைசலை பயன்படுத்தக் கூடாது.
· குருணை வடிவ பயிர் பாதுகாப்பு இரசாயனங்களை தண்ணீருடன் கலக்கக் கூடாது.
· தெளிப்பான்களை நுகர்ந்து பார்க்க கூடாது.
· பரிந்துரை அளவிற்குமேல் பயிர் பாதுகாப்பு இரசாயனங்களை பயன்படுத்தினால் பயிரின் நலன் மற்றும் சுற்றுச்சூழல் பாதிக்கப்படும்.
· தெளிப்பு கரைசல் தயாரிக்கும் பொழுது சாப்பிடுதல், குடித்தல், புகை பிடித்தல் மெல்லுதல் போன்ற செய்கைகள் செய்யக் கூடாது.

தெளிப்பு செய்யும்பொழுது
· பரிந்துரையை விட அதிகளவு தெளிப்பு செய்யக் கூடாது.
· அதிகளவு வெயில் உள்ள நேரம் மற்றும் வேகமாக காற்றடிக்கும் நேரத்தில் தெளிப்பு செய்யக் கூடாது.
· மழை பெய்யும் நேரத்திற்கு முன்பு அல்லது மழை பெய்து ஓய்ந்தவுடன் உடனடியாக தெளிப்பு செய்யக் கூடாது.
· கூழ்ம அடர்வு உள்ள பு+ச்சிக் கொல்லிகளை, பேட்டரி மூலம் இயங்கும் தெளிப்பான் கொண்டு தெளிப்பு செய்யக் கூடாது.
· காற்றடிக்கும் திசைக்கு எதிரான திசையில் தெளிப்பு செய்யக் கூடாது.
· தெளிப்பு கரைசல் தயாரிக்க பயன்படுத்திய பாத்திரம், வாளிகள் ஆகியவற்றை நன்றாக சுத்தம் செய்திருந்தாலும வீட்டு உபயோகத்திற்கு; பயன்படுத்தக்கூடாது.
· பாதுகாப்பு கவசங்கள்ஃஉடைகள் அணிந்து தெளிப்பு செய்ய வேண்டும்.

தெளிப்பு செய்த பிறகு
· மீதியுள்ள கரைசலை தண்ணீர்போகும் வாய்க்கால், குளம், குட்டை ஆகியவற்றில் ஊற்றக்கூடாது.
· காலி கொள்கலன்களை வேறு பொருட்களை இருப்பு வைக்க எக்காரணத்தைக் கொண்டும் பயன்படுத்தக்கூடாது.
· தெளிப்புக்கு பின் குளிக்காமல் துணிகளையும் அலசிடாமல் சாப்பிடக் கூடாது. புகை பிடிக்க கூடாது.
· நச்சு அறிகுறி தெரியவந்தவுடன் மருத்துவரிடம் அழைத்துச் செல்ல வேண்டும்,
·

இத்தகவலை, சிவகங்கை மாவட்டம், எஸ்.புதூர், வேளாண்மை உதவி இயக்குநர் தெரிவித்தார்.

Spread the love