May 17, 2022

ValarTamil Publications

AgriDoctor & Kaalaimani

ஏப்.29ல் விவோ வி21 5ஜி ஸ்மார்ட்போன் அறிமுகம்

மும்பை, ஏப்.27

விவோ நிறுவனத்தின் புதிய 5ஜி ஸ்மார்ட்போன் விரைவில் இந்திய சந்தையில் அறிமுகம் செய்யப்படவுள்ளதாக தகவல்கள் வெளிவந்துள்ளன.

இது குறித்து விரிவான செய்தியாவது:

வி21 5ஜி ஸ்மார்ட்போனினை ஏப்ரல் 29 ஆம் தேதி விவோ நிறுவனம் இந்திய சந்தையில் அறிமுகம் செய்ய உள்ளதாகவும், இந்த ஸ்மார்ட்போன் விர்ச்சுவல் முறையில் நடைபெறும் நிகழ்வில் அறிமுகமாகிறது என்றும் தெரிவிக்கப்பட்டுள்ளது. இது ப்ளிப்கார்ட் தளத்தில் பிரத்யேகமாக விற்பனை செய்யப்பட இருக்கிறது.

இந்த ஸ்மார்ட்போனின் சிறப்பம்சங்களாவது: விவோ வி21 5ஜி மாடலில் 44 எம்பி செல்பி கேமரா, OIS வசதி கொண்டிருக்கும் என தெரியவந்துள்ளது. அந்த வகையில் செல்பி கேமராவுக்கு OIS வசதி கொண்ட முதல் ஸ்மார்ட்போன் இது என்ற பெருமையை பெறுகிறது.

இத்துடன் இரண்டு பிளாஷ் மாட்யூல்கள் வழங்கப்படுகிறது. இவற்றை விவோ ஸ்பாட்லைட் செல்பி என அழைக்கிறது. இது குறைந்த வெளிச்சம் உள்ள பகுதிகளிலும் தெளிவான செல்பிக்களை எடுக்க வழி வகுக்கிறது. விவோ வி21 மாடலில் சூப்பர் நைட் செல்பி 2.0, ஸ்பாட்லைட் செல்பி, டூயல்-வியூ வீடியோ என பல்வேறு அம்சங்கள் வழங்கப்படலாம் என தெரிகிறது.

இந்த ஸ்மார்ட்போனின் பின்புறம் 64 எம்பி பிரைமரி கேமரா வழங்கப்படுகிறது. 8 ஜிபி ரேம் மற்றும் எக்ஸ்டென்டெட் ரேம் வசதி வழங்கப்படுகிறது. இது ஸ்மார்ட்போனின் இன்டெர்னல் மெமரியில் 3 ஜிபியை பயன்படுத்தி மொத்தம் 11 ஜிபி ரேம் கிடைக்கும் என தெரியவந்துள்ளது.

Spread the love