May 10, 2021

ValarTamil Publications

AgriDoctor & Kaalaimani

கடந்த மார்ச் காலாண்டில் பாங்க் ஆஃப் மஹாராஷ்டிரா லாபம் 187 சதம் உயர்வு

புது தில்லி, ஏப்.30

முன்னணி பொதுத்துறையைச் சேர்ந்த பேங்க் ஆஃப் மஹாராஷ்டிரா கடந்த மார்ச் காலாண்டில் ரூ.165 கோடி தனிப்பட்ட நிகரலாபத்தை ஈட்டியுள்ளதாக தெரிவித்துள்ளது.

இதுகுறித்து அந்த வங்கியின் நிர்வாக இயக்குநரும், தலைமைச் செயல் அதிகாரியுமான ஏ.எஸ்.ராஜீவ் செய்தியாளர்களிடம் தெரிவித்துள்ளதாவது:

வங்கியின் வட்டி வருமானம் 35 சதமும், இதர வருமானம் சிறப்பான அளவிலும் மார்ச் காலாண்டில் மேம்பட்டுள்ளது. இதையடுத்து, 2021 மார்ச் 31ம் தேதியுடன் நிறைவடந்த 4வது காலாண்டில் வங்கியின் தனிப்பட்ட நிகரலாபம் 165 கோடியாக இருந்தது. இது, வங்கி 2019-20ம் நிதியாண்டின் மார்ச் காலாண்டில் ஈட்டிய லாபம் ரூ.58 கோடியுடன் ஒப்பிடுகையில் 187 சதம் அதிகமாகும். கடந்த 2020-21வது முழு நிதியாண்டில் வங்கி ஈட்டிய நிகரலாபம் ரூ.389 கோடியிலிருந்து 42 சதம் வளர்ச்சி கண்டு ரூ.550 கோடியை எட்டியுள்ளது.

அதேபோன்று, வங்கியின் மொத்த வர்த்தகதம் 15 சதம் உயர்ந்து ரூ.2,81,659 கோடியைத் தொட்டுள்ளது என்றார் அவர்.

Spread the love