January 23, 2022

ValarTamil Publications

AgriDoctor & Kaalaimani

கார் மாடல்களுக்கு ரூ.85 ஆயிரம் வரை சலுகை டாடா மோட்டார்ஸ் நிறுவனம் அறிவித்தது

மும்பை, ஜன.10

டாடா மோட்டார்ஸ் நிறுவனம் தனது தேர்வு செய்யப்பட்ட கார் மாடல்களுக்கு இந்திய சந்தையில் அசத்தல் சலுகை மற்றும் தள்ளுபடி வழங்குவதாக அறிவித்துள்ளது.

இது குறித்து விரிவான செய்தியாவது: டாடா மோட்டார்ஸ் நிறுவனம் இந்திய சந்தையில் தற்போது விற்பனை செய்து வரும் பெரும்பாலான மாடல்களுக்கு அசத்தல் சலுகை மற்றும் தள்ளுபடி உள்ளிட்டவைகளை அறிவித்து இருக்கிறது. அதன்படி டியாகோ, டிகோர், நெக்சான், அல்ட்ரோஸ், ஹேரியர் மற்றும் சபாரி போன்ற மாடல்களுக்கு சிறப்பு சலுகைகள் வழங்கப்படுகின்றன.

மேலும், ஜனவரி மாத சலுகைகளின் கீழ் அதிகபட்சம் ரூ. 85 ஆயிரம் மதிப்புள்ள பலன்கள் வழங்கப்படுகின்றன. இவை தள்ளுபடி, எக்சேன்ஜ் போனஸ் மற்றும் கார்ப்பரேட் தள்ளுபடி வடிவில் வழங்கப்படுகின்றன. இந்த சலுகைகள் ஜனவரி 31, 2022 வரை மட்டுமே கிடைக்கும். டாடா டியாகோ மாடலுக்கு அதிகபட்சம் ரூ. 30 ஆயிரம், 2022 மாடல்களுக்கு அதிகபட்சம் ரூ. 25 ஆயிரம் வரையிலான பலன்கள் வழங்கப்படுகிறது. டிகோர் மாடலுக்கு ரூ. 35 ஆயிரம் வரையிலான பலன்கள் அறிவிக்கப்பட்டுள்ளது. டிகோர் 2022 மாடலுக்கு ரூ. 20 ஆயிரம் வரையிலான சலுகைகள் வழங்கப்படுகின்றன.

டாடா அல்ட்ரோஸ் பிரீமியம் ஹேட்ச்பேக் மாடல் தற்போது ரூ. 17,500 வரையிலான சிறப்பு சலுகைகளுடன் கிடைக்கிறது. டாடா நெக்சான் மாடலுக்கு ரூ. 15 ஆயிரமும், ஹேரியர் மாடலுக்கு அதிகபட்சமாக ரூ. 85 ஆயிரம் வரையிலான பலன்கள் வழங்கப்படுகிறது. டாடா சபாரி மாடல் ரூ. 60 ஆயிரம் வரையிலான பலன்களுடன் விற்பனை செய்யப்படுகிறது. டாடா மோட்டார்ஸ் சமீபத்தில் அறிமுகம் செய்த பன்ச் மாடலுக்கு எவ்வித சலுகையும் அறிவிக்கப்படவில்லை.

Spread the love