August 13, 2022

ValarTamil Publications

AgriDoctor & Kaalaimani

கிரிப்டோகரன்சியை அரசு அனுமதிக்கவேண்டும் முன்னாள் நிதித்துறை செயலர் வலியுறுத்தல்

புது தில்லி, மே 7

கிரிப்டோகரன்சியை மத்திய அரசு அனுமதிக்க வேண்டும் என முன்னாள் நிதித்துறை செயலர் எஸ்.சி.கார்க் வலியுறுத்தியுள்ளதாக செய்திகள் வெளிவந்துள்ளது.

அசோசேம் நடத்திய இணையவழி கூட்டத்தில் பங்கேற்ற கார்க் இது குறித்து தெரிவித்ததாவது:

கிரிப்டோகரன்சிகளை முழுமையாக அரசின் கட்டுப்பாட்டில் வைத்திருப்பது எப்படி என்பது குறித்த தெளிவு நமக்கு இதுவரை கிடைக்கவில்லை என்று நான் கருதவில்லை. மத்திய அரசு கிரிப்டோகரன்சிகளை கண்டிப்பாக அனுமதிக்க வேண்டும். அதே நேரத்தில் அதன் முழுக்கட்டுப்பாட்டையும் தனது வசம் வைத்திருக்க வேண்டும் என்றார். மேலும், அடுத்த 5 ஆண்டுகளில் இந்தியாவில் உள்ள அனைத்து நிறுவனங்களுமே மின்னணு கணக்கீட்டு முறைக்கு மாறிவிடும் என்றார்.

கிரிப்டோகரன்சி என்பதை காகிதப் பணம் மற்றும் உலோக நாணயங்கள் போல பயன்படுத்த முடியாது. அது முழுவதும் இணையத்தில் உருவாக்கப்பட்டு, இணைய வழியில் பயன்படுத்தப்படும் மறையாக்க தொழில்நுட்பத்தின் அடிப்படையில் உருவாக்கப்படுகிறது. இந்தியாவில் கிரிப்டோகரன்சி வர்த்தகத்தை கடந்த 2018ம் ஆண்டு ஆர்பிஐ தடை செய்துவிட்டது என்றாலும், இந்தியர்கள் பலரும் அதில் முதலீடு செய்து வருகிறார்கள். கிரிப்டோகரன்சி குறித்த கொள்கைகளை வகுக்குமாறு கடந்த 2019ம் ஆண்டு மத்திய அரசுக்கு உச்சநீதிமன்றம் உத்தரவு பிறப்பித்தது. இது தொடர்பாக மத்திய அரசு விரைவில் முடிவு எடுக்கும் என்று தெரிகிறது.

உலக அளவில் ஏராளமான கிரிப்டோகரன்சிகள் இருந்தாலும், பிட்காயின் மிகவும் பிரபலமாகவும், அதிக மதிப்புடன் புழக்கத்தில் உள்ளதாகவும் விளங்குகிறது. அதே நேரத்தில், கிரிப்டோ கரன்சியின் மதிப்பு, சந்தை நிலையைப் பொருத்து அதிக ஏற்ற-இறக்கங்களைச் சந்திக்க வாய்ப்புள்ளதால் முதலீட்டாளர்களின் நலனைக் கருத்திக் கொண்டு கிரிப்டோகரன்சிக்குத் தடை விதிக்க வேண்டும் என ஒரு தரப்பினர் வலியுறுத்தி வருகின்றனர்.

Spread the love