June 25, 2022

ValarTamil Publications

AgriDoctor & Kaalaimani

கோவையில் மேலும் 2 இடங்களில் கொப்பரை கொள்முதல்

கோவை, மே 28

கோவை மாவட்டத்தில் 3 வேளாண் ஒழுங்கு முறை விற்பனை கூடங்களில் கொப்பரை கொள்முதல் நடைபெறுகிறது. இந்நிலையில் விவசாயிகளின் வேண்டுகோளுக்கிணங்க கூடுதலாக 2 கொள்முதல் நிலையம் தொடங்கப்பட்டுள்ளது.

இதுகுறித்து குறித்து மாவட்ட ஆட்சியர் சமீரன் வெளியிட்டுள்ள செய்திகுறிப்பில் கூறியிருப்பதாவது, கோவை மாவட்டத்தில் பொள்ளாச்சி, நெகமம், செஞ்சேரி ஆகிய பகுதிகளில் உள்ள வேளாண் ஒழுங்குமுறை விற்பனை கூடங்களில் விவசாயிகளிடம் இருந்து குறைந்தபட்ச ஆதரவு விலை திட்டத்தின் கீழ் கொப்பரை கொள்முதல் செய்யப்பட்டு வருகிறது.

இந்நிலையில் கொப்பரை கொள்முதல் மையங்களை அதிகரிக்க வேண்டும் என்று விவசாயிகள் கோரிக்கை விடுத்து வந்தனர். இதனை தொடர்ந்து ஆனைமலை, கிணத்துக்கடவு பகுதிகளில் உள்ள 2 வேளாண் விற்பனை கூடங்களிலும் கொப்பரை கொள்முதல் தொடங்கப்பட்டுள்ளது.

இங்கு குறைந்தபட்ச ஆதரவு விலைதிட்டத்தின் கீழ் அரவை கொப்பரை ரூ.105.90க்கும், பந்து கொப்பரை ரூ.110க்கும் கொள்முதல் செய்யப்படுகிறது. ஜூலை மாதம் இறுதி வரை வேளாண் ஒழுங்குமுறை விற்பனை கூடங்களில் குறைந்தபட்ச ஆதரவு விலை திட்டத்தின் கீழ் கொப்பரை கொள்முதல் செய்யப்படும். இதனை விவசாயிகள் பயன்படுத்தி கொள்ள வேண்டும்.

கொப்பரை கொள்முதல் தொடர்பான கூடுதல் விவரங்களுக்கு பொள்ளாச்சி, கிணத்துக்கடவு, நெகமம், செஞ்சேரி, ஆனைமலை வேளாண் ஒழுங்குமுறை விற்பனை கூட கண்காணிப்பாளரை போனில் தொடர்பு கொள்ளலாம் என அதில் தெரிவிக்கப்பட்டுள்ளது.

Spread the love