August 15, 2022

ValarTamil Publications

AgriDoctor & Kaalaimani

கோவை மாவட்டத்திக்கு பயறு வகை உற்பத்தியை அதிகரிக்க ரூ.29.95 இலட்சம் ஒதுக்கீடு

கோவை, ஜூலை 8

கோயம்புத்தூர் மாவட்டத்தில் தேசிய உணவு பாதுக்காப்பு இயக்கத்தின் கீழ் 2022-2023 ம் ஆண்டுக்கு பயறு வகை பயிர்களின் உற்பத்தியை அதிகரிக்க ரூ.29.95 இலட்சம் ஒதுக்கீடு செய்யப்பட்டுள்ளது. இம்மாவட்டத்திற்க்கு பயறுவகை பயிர்க்கு தேவையான உயிர் உரங்கள் 700 எக்டர்க்கும், நுண்ணூட்டக் கலவையும் 450 எக்டர்க்கும், பயிர் பாதுகாப்பு மருந்து விநியோகம் செய்ய பின்னேற்பு மானியமாக 200 எக்டர்க்கும் 50% மானியத்தில் வழங்கப்பட உள்ளது. தற்போது பயறு வகை பயிர்களின் உற்பத்தி செய்யும் விவசாயிகளுக்கு சுழல்கலப்பை விநியோகம் ஒன்றுக்கு ரூ.34,000/- அல்லது 50% மானியத்தில் மொத்தம் 3 எண்களும், சிறு, குறு / பெண் / ஆதி திராவிடர் / மலைவாழ்மக்கள் விவசாயிகளுக்கு ரூ.42,000/ அல்லது 50% மானியத்தில் மொத்தம் 8 எண்களும், பேட்டரியில் இயங்கும் விசைத்தெளிப்பான் விநியோகத்திக்கு ஒன்றுக்கு ரூ.3,000/- அல்லது 50% மானியத்திலும் மொத்தம் 35 எண்களும், சிறு, குறு / பெண் / ஆதி திராவிடர் / மலை வாழ்மக்கள் விவசாயிகளுக்கு ரூ.3,800/- அல்லது 50% மானியத்தில் மொத்தம் 75 எண்களும், பின்னேற்பு மானியமாக ஒதுக்கீடு செய்யப்பட்டுள்ளது.

பயறு வகை பயறுகளில் 10 ஆண்டுகளுக்கு உட்பட்ட உளுந்து இரக விதை உற்பத்திக்கு 80 குவிண்டாலும், 10 ஆண்டுகளுக்கு உட்பட்ட தட்டைபயறு விதை உற்பத்திக்கு 15 குவிண்டாலும் உளுந்து விதை விநியோகம் மானியமாக 55 குவிண்டாலும் கிலோ ரூ.50 அல்லது 50% மானியத்தில் இம்மாவட்டத்திக்கும் இலக்கு நிர்ணயிக்கப்பட்டுள்ளது. மேலும் இத்திட்டத்தினை தேர்வு செய்யப்பட்ட “கலைஞரின் அனைத்து கிராம வேளாண் வளர்ச்சி திட்டத்தில்” செயல்படுத்தவும் அறிவுறுத்தப்பட்டுள்ளது. இத்திட்டத்தில் பயன்பெற உழவன் செயலியின் மூலம் பதிவு செய்யும் வசாயிகளுக்கு முன்னுரிமை அளிக்கப்படும் அல்லது தக்க ஆவணங்களுடன் வட்டார வேளாண்மை விரிவாக்க மையங்கள் மூலமாக சமர்பித்து பயன்பெறலாம் என மாவட்ட வேளாண்மை – உழவர் நலத்துறை இணை இயக்குநர் இரா.சித்ராதேவி தெரிவித்தார்.

Spread the love