May 17, 2022

ValarTamil Publications

AgriDoctor & Kaalaimani

சில நிமிடங்களில் கேடிஎம் 1290 மோட்டார்சைக்கிள் விற்று தீர்ந்தது

புது தில்லி, ஏப்.20

கேடிஎம் 1290 சூப்பர் டியூக் ஆர்ஆர் மோட்டார்சைக்கிள் 48 நிமிடங்களில் விற்றுத்தீர்ந்ததாக செய்திகள் வெளிவந்துள்ளது.

இது குறித்து விரிவான செய்தியாவது: கேடிஎம் 1290 சூப்பர் டியூக் மோட்டார்சைக்கிள் விற்பனை ஆன்லைனில் நடைபெற்றது.

இந்த விற்பனையில் மொத்தம் 500 யூனிட்கள் விற்கப்பட்டன. இவை அனைத்தும் கேடிஎம் ஏற்பாடு செய்திருந்த ஆன்லைன் தளத்தில் விற்பனையானது. 500 யூனிட்களில் ஒன்றுகூட இந்தியா வராது என தெரிவிக்கப்பட்டுள்ளது.

மேலும், இந்த லிமிடெட் எடிசன் மாடல் சில அதிர்ஷ்டசாலி வாடிக்கையாளர்களுக்கு மட்டுமே கிடைக்கும். ஸ்டான்டர்டு மாடலை விட லிமிடெட் எடிசன் கேடிஎம் 1290 சூப்பர் டியூக் ஆர்ஆர் மாடலில் பல்வேறு அம்சங்கள் வழங்கப்பட்டு இருக்கின்றன. இதன் ஸ்டான்டர்டு மாடலில் உள்ள 1301சிசி, எல்சி8 வி ட்வின் என்ஜின் 180 பியஹச்பி பவர், 140 என்எம் டார்க் செயல்திறன் வழங்குகிறது.

இந்த பைக்கின் எடை முந்தைய மாடலை விட 9 கிலோ குறைவு ஆகும். இதற்கென கார்பன் பைபர் இருக்கை, போர்ஜ் செய்யப்பட்ட அலுமினியம் வீல்கள், டைட்டானியம் அக்ராபோவிக் எக்சாஸ்ட் சிஸ்டம் உள்ளிட்டவை பயன்படுத்தப்பட்டு இருக்கிறது. கேடிஎம் தனது ஸ்டான்டர்டு 1290 சூப்பர் டியூக் மாடலை இந்தியாவில் விற்பனை செய்வதில்லை.

இதனால் இந்த மாடலின் ஆர்ஆர் வெர்சன் இந்திய வாடிக்கையாளர்களுக்கு விற்பனை செய்யப்படாது. எனினும், இதனை இந்தியாவுக்கு இறக்குமதி செய்ய முடியும் என தெரிவிக்கப்பட்டுள்ளது.

Spread the love