September 21, 2021

ValarTamil Publications

AgriDoctor & Kaalaimani

சீன அலுமினியத்துக்கு பொருள் குவிப்பு வரி விதிக்க மத்திய அரசுக்கு வர்த்தகத்துறை பரிந்துரை

புது தில்லி, செப்.11

சீனாவில் இருந்து இறக்குமதியாகும் ஒரு சில அலுமினியப் பொருட்களுக்கு பொருள் குவிப்பு வரி விதிக்க, வர்த்தகத் தீர்வு தலைமை இயக்குனரகம், மத்திய அரசுக்கு பரிந்துரைத்துள்ளதாக செய்திகள் வெளியாகியுள்ளது.

இது குறித்து விரிவான செய்தியாவது: சீனாவில் இருந்து, ஒருசில அலுமினிய தகடு உருளைகள் குறைந்த விலையில் இறக்குமதியாவதால், உள்நாட்டு உற்பத்தியாளர்கள் பாதிக்கப்படுவதாக, மத்திய வர்த்தக அமைச்சகத்தில் புகார் அளிக்கப்பட்டது. இதைத் தொடர்ந்து, வர்த்தகத் தீர்வு தலைமை இயக்குனரகம் ஆய்வு செய்ததில், சீன அலுமினியப் பொருட்கள் குறைந்த விலைக்கு விற்பது தெரியவந்துள்ளது.

இந்நிலையில், சீனாவில் இருந்து இறக்குமதியாகும் குறிப்பிட்ட வகை அலுமினிய தகடு உருளைகளுக்கு, டன் ஒன்றுக்கு ரூ.4,816 முதல், ரூ.33, 226 வரை பொருள் குவிப்பு வரி விதிக்க, வர்த்தகத் தீர்வு தலைமை இயக்குனரகம், மத்திய அரசுக்கு பரிந்துரைத்துள்ளது. இது குறித்து மத்திய நிதியமைச்சகம் விரைவில் முடிவு எடுக்கும் என எதிர்பார்க்கப்படுகிறது.

Spread the love