July 25, 2021

ValarTamil Publications

AgriDoctor & Kaalaimani

டாக்டர் ரெட்டீஸ் நிகர லாபம் ரூ.557 கோடியாக குறைவு

ஹைதராபாத், மே 15

முன்னணி மருந்து உற்பத்தி நிறுவனமான டாக்டர் ரெட்டீஸ் லேபரட்டரீஸ் நிறுவனம் நான்காவது காலாண்டில் ரூ.557 கோடியை ஒட்டுமொத்த நிகர லாபமாக பெற்றுள்ளதாக தெரிவித்துள்ளது.

இதுகுறித்து அந்த நிறுவனம் பங்குச் சந்தையிடம் தெரிவித்துள்ளதாவது:

ஜனவரி முதல் மார்ச் வரையிலான நான்காவது காலாண்டில் நிறுவனம் மருந்துகள் விற்பனையின் வாயிலாக நிகர அளவில் ரூ.4,608 கோடியை ஈட்டியுள்ளது. முந்தைய 2019-20ம் நிதியாண்டின் இதே காலகட்டத்தில் நிறுவனம் விற்பனையின் மூலம் ரூ.4,336.1 கோடியைப் பெற்றது.

மேலும், ஒட்டுமொத்த நிகரலாபம் ரூ.781 கோடியிலிருந்து 29 சதம் சரிவடைந்து ரூ.557 கோடியாக குறைந்தது.

2020-21 முழு நிதியாண்டில் நிறுவனத்தின் நிகர விற்பனை ரூ.16,357 கோடியிலிருந்து ரூ.18,420 கோடியாக அதிகரித்துள்ளது. அதே நேரம், ஒட்டுமொத்த நிகரலாபம் ரூ.2,026 கோடியிலிருந்து ரூ.1,952 கோடியாக சரிவடைந்துள்ளதாக டாக்டர் ரெட்டீஸ் நிறுவனம் தெரிவித்துள்ளது. மேலும், முதலீட்டாளர்களுக்கு கடந்த 2020-21 நிதியாண்டுக்கு ரூ.5 முகமதிப்பு கொண்ட பங்கு ஒன்றுக்கு ரூ.25 (500%) இறுதி ஈவுத்தொகையாக அளிக்க நிறுவனத்தின் இயக்குநர் குழு பரிந்துரை செய்துள்ளதாக டாக்டர் ரெட்டீஸ் லேப் நிறுவனம் தெரிவித்துள்ளது.

Spread the love