January 24, 2022

ValarTamil Publications

AgriDoctor & Kaalaimani

டாடா மோட்டார்ஸ் நிறுவனம் ரூ.89,319 கோடி வருவாய் ஈட்டியது

புது தில்லி, மே 19

கடந்த நிதியாண்டின் நான்காவது காலாண்டில் டாடா மோட்டார்ஸ் நிறுவனம் ரூ.89,319 கோடி வருவாய் ஈட்டியுள்ளதாக தெரிவித்துள்ளது. இதுகுறித்து அந்த நிறுவனம் தெரிவித்துள்ளதாவது:

கடந்த 2020-21வது நிதியாண்டின் ஜனவரி முதல் மார்ச் வரையிலான காலகட்டத்தில் நிறுவனம் மோட்டார் வாகன விற்பனையின் வாயிலாக ரூ.89,319 கோடியை மொத்த வருமானமாக ஈட்டியுள்ளது. இது, 2020 ஜனவரி-மார்ச் காலகட்டத்தில் ரூ.63,057 கோடியுடன் ஒப்பிடுகையில் அதிகம்.

கடந்த 2020-21 நிதியாண்டின் ஜனவரி-மார்ச் காலாண்டில் நிறுவனத்துக்கு ஒட்டுமொத்த அளவில் ரூ.7,585 கோடி அளவுக்கு நிகர இழப்பு ஏற்பட்டது. கடந்த 2019-20 நிதியாண்டின் இதே காலகட்டத்தில் இழப்பு ரூ.9,864 கோடியாக காணப்பட்டது. கடந்த 2020-21 முழு நிதியாண்டில் நிறுவனத்துக்கு ஏற்பட்ட ஒட்டுமொத்த நிகர இழப்பானது கடந்தாண்டுடன் ஒப்பிடுகையில் ரூ.11,975 கோடியிலிருந்து ரூ.13,395 கோடியாக உயர்ந்துள்ளது.

இதே காலகட்டத்தில் நிறுவனத்தின் மொத்த வருமானம் ரூ.2,64,041 கோடியிலிருந்து ரூ.2,52,438 கோடியாக குறைந்ததாக டாடா மோட்டார்ஸ் நிறுவனம் தெரிவித்துள்ளது.

Spread the love