கோவை, ஏப்.5
தமிழ்நாடு வேளாண்மைப் பல்கலைக்கழகத்தில், பூச்சியியல் துறை சார்பாக ஒவ்வொரு மாதமும் தேனீ வளர்ப்பு சம்பந்தமான ஒரு நாள் பயிற்சி அளிக்கப்படுகிறது. ஏப்ரல் மாதத்திற்கான பயிற்சி 6.4.2022 புதன்கிழமை அன்று அளிக்கப்படும்.
பயிற்சியின் முக்கிய அம்சங்கள்
· தேனீ இனங்களை கண்டு பிடித்து வளர்த்தல்
· பெட்டிகளில் தேனீ வளர்க்கும் முறை மற்றும் நிர்வாகம்
· தேனீக்கு உணவு தரும் பயிர்கள் மற்றும் மகரந்த சேர்க்கை மூலம் மகசூல் அதிகரிக்கும் பயிர்களின் விவரம்.
· தேனைப் பிரித்தெடுத்தல்
· தேனீக்களின் இயற்கை எதிரிகள் மற்றும் நோய் நிர்வாகம்
பயிற்சியில் கலந்து கொள்ள விரும்புபவர்கள், பயிற்சி நாளன்று காலை 9.00 மணிக்கு பூச்சியியல் துறை, தமிழ்நாடு வேளாண்மைப் பல்கலைக்கழகதிற்கு வந்து அடையாள சான்று சமர்ப்பித்து பயிற்சிக் கட்டணம் ரூ.590 (ரூபாய் ஐநூற்று தொண்ணூறு மட்டும்) நேரிடையாக செலுத்த வேண்டும். பயிற்சி நேரம் : காலை 9.00 முதல் மாலை 5.00 மணி வரை. பயிற்சியின் இறுதியில் சான்றிதழ் வழங்கப்படும்.