June 25, 2022

ValarTamil Publications

AgriDoctor & Kaalaimani

நாட்டில் ஸ்மார்ட்போன் விற்பனை நடப்பு நிதியாண்டில் 15 சதம் சரிவு

புது தில்லி, ஏப்.23

நடப்பு நிதியாண்டின் முதல் காலாண்டில், நாட்டின் ஸ்மார்ட்போன் விற்பனை, 10 – 15 சதம் அளவுக்கு சரிவை காணக்கூடும் என, கவுன்டர்பாயின்ட் ரிசர்ச் நிறுவனம் தெரிவித்துள்ளது.

இது குறித்து இந்நிறுவனம் மேலும் தெரிவித்துள்ளதாவது:

நாட்டின் மிகப் பெரிய நகரங்களில் பொது முடக்க உத்தரவுகள் பிறப்பிக்கப்பட்டது, இதற்கு முக்கிய காரணம் என்றும், கிட்டத்தட்ட, 50 லட்சம் ஸ்மார்ட்போன்கள் அளவுக்கு விற்பனை பாதிக்கப்படும் என்றும் தெரிவித்துள்ளது.

கவுன்டர்பாயின்ட் ரிசர்ச் நிறுவனத்தின் இயக்குனர் தருண் பதக் இது குறித்து தெரிவித்துள்ளதாவது:

சமீபத்தில், பொது முடக்கம் பிறப்பிக்கப்பட்ட காரணத்தால், விற்பனை பாதிக்கப் பட்டு வருகிறது. இதன் காரணமாக, இந்த காலாண்டில் விற்பனை சரிவு, 10- 15 சதமாக இருக்கக்கூடும்.

இருப்பினும், இச்சூழல், வீட்டிலிருந்து வேலை செய்யும் வாய்ப்பை அதிகரிக்கும் என்பதால், ஸ்மார்ட்போன் உள்ளிட்டவற்றின் தேவையும் இனி அதிகரிக்க வாய்ப்பிருக்கிறது என்றார். இதனால், நடப்பு முழு நிதியாண்டை பொறுத்தவரை சரிவு எதையும் எதிர்பார்க்கவில்லை. இவ்வாறு அவர் தெரிவித்துள்ளார்.

Spread the love