May 17, 2022

ValarTamil Publications

AgriDoctor & Kaalaimani

பயிர் சுழற்சி மற்றும் உழவன் செயலி குறித்து செயல்முறை விளக்கம்

தென்காசி, மார்ச் 16

தென்காசி மாவட்டம் வாசுதேவநல்லூர் அருகே உள்ள நார்ணாபுரம் கிராமத்தில் எஸ்.தங்கப்பழம் வேளாண்மை கல்லூரி மாணவிகள் ஊரக பணி அனுபவ திட்டத்தின் கீழ் பயிர் சுழற்சி மற்றும் உழவன் செயலி குறித்து விவசாயிகளுக்கு எடுத்துரைத்தனர். பயிர் சுழற்சி என்பது தொடர்ந்து ஒரே வகையான பயிரினை நிலத்தில் விளைவிப்பதற்கு பதிலாக மாற்றுப் பயிர்களை பயிர் செய்வதாகும். அதிக ஊட்டச்சத்து மிக்க பயிருக்கு பின் குறைந்த ஊட்டச்சத்துமிக்க பயிர்களை பயிரிடலாம். எடுத்துக்காட்டாக, மக்காச்சோளத்துக்கு பின் உளுந்து அல்லது பூசணி வகைகளை பயிரிடுதல், பயிறு வகைகள் பயிரிட்ட பின்பு பயறு அல்லாத வேறு ஏதேனும் பயிர்களைப் பயிர் செய்தல் வேண்டும். சில பயிர்கள் மண்ணில் உள்ள சத்துக்கள் அனைத்தையும் உறிஞ்சி விடுகின்றன. எடுத்துக்காட்டாக, எள் மற்றும் கடலை, மறுதாம்புப் பயிர்களுக்குப்பின் ஆழமான வேர்கள் செல்லக் கூடிய பயிர்களைப் பயிர் செய்யலாம். சுத்தப்படுத்தும் பயிர்களைத் தொடர்ந்து நாற்றங்கால் பயிர்களை நடலாம். இவ்வாறு பயிர் சுழற்சி செய்வதன் மூலம் அதிக மகசூல் பெறுவதுடன் மண்ணின் வளத்தையும் பாதுகாக்கலாம்.

மேலும் இச்செயல்முறை விளக்கப்பயிற்சியில் மாணவிகள் விவசாயிகளுக்கு உழவன் செயலி பற்றியும் கூறினர். விவசாயிகளின் நலன் கருதி தமிழக அரசு 2019 ஆம் வருடம் உழவன் செயலியைஅ றிமுகப்படுத்தியது. தமிழ் மற்றும் ஆங்கில மொழிகளில் வகுக்கப்பட்டுள்ள உழவன்செயலி மூலம் விவசாயிகளின் வேளாண்மை தொடர்பான அனைத்து திட்டங்களையும் தெரிந்து கொள்ளலாம். இந்த உழவன் செயலியை பயன்படுத்தி வேளாண் தொடர்பான பரிந்துரைகளை பெறுவதுடன் பயிர் காப்பீடு செய்த அனைத்து விவசாயிகளும் தங்களின் பயிர் காப்பீடு தொடர்பான விவரங்களையும், தங்கள் வட்டாரத்தில் உள்ள அரசு தனியார் கடைகளில் உரம் விதை இருப்பு விவரங்களையும் மேலும் வேளாண் இயந்திரங்களை வாடகைக்கு பயன்படுத்திக் கொள்ள அரசு மற்றும் தனியார் மையங்களை தொடர்பு கொள்ளும் வசதி ஆகியவையும் இந்த உழவன் செயலில் உள்ளன. இந்த செயல்விளக்கங்களை மாணவிகள் மா.சுகந்தி, மு.சரஸ்வதி தேவி, ப.சௌந்தர்யா மற்றும் செ.சினேகா ஆகியோர் விவசாயிகளுக்கு எடுத்துரைத்தார்.

Spread the love