October 17, 2021

ValarTamil Publications

AgriDoctor & Kaalaimani

பாகிஸ்தான், ஈரான், ஆப்கானிஸ்தான் சரக்குகளை கையாளப்போவதில்லை: அதானி விளக்கம்

மும்பை, அக்.12

குஜராத் மாநிலம் முந்த்ரா துறைமுகத்தில் கடந்த மாதம் சுமார் 3000 கிலோ யஹராயின் போதைப்பொருள் பறிமுதல் செய்யப்பட்டது. இதன் சர்வதேச மதிப்பு ரூ.21 ஆயிரம் கோடி ஆகும். மேலும், இந்த போதைப்பொருள் ஈரானில் இருந்து வந்ததாக தகவல் வெளியாகியுள்ளது.

முந்த்ரா துறைமுகம் கவுதம் அதானியின் நிறுவனமான அதானி குழுமம் கட்டுப்பாட்டில் உள்ளது. இச்சம்பவம் நாடு முழுதும் பெரும் அதிர்வலைகளை ஏற்படுத்தியுள்ள நிலையில், இந்த துறைமுகத்தில் 3000 கிலோ யஹராயின் போதைப்பொருள் கைப்பற்றப்பட்ட சம்பவம் தொடர்பாக தேசிய புலனாய்வு அமைப்பினர் விசாரணை நடத்தி வருகின்றனர்.

இதற்கிடையில், ஈரான், பாகிஸ்தான், ஆப்கானிஸ்தானில் இருந்து வரும் சரக்குகளை கையாளப் போவதில்லை என அதானி துறைமுக நிர்வாகம் முடிவெடுத்துள்ளதாக தெரிவித்துள்ளது.

இது குறித்து அதானி குழுமம் வெளியிட்டுள்ள செய்தி அறிக்கையில் தெரிவிக்கப்பட்டுள்ளதாவது:

நவம்பர் 15-ம் தேதி முதல் ஈரான், பாகிஸ்தான், ஆப்கானிஸ்தான் ஆகிய நாடுகளில் இருந்து வரும் சரக்குகளை அதானி நிறுவன கட்டுப்பாட்டில் உள்ள துறைமுகங்கள் கையாளாது என தெரிவித்துள்ளது.

Spread the love