January 24, 2022

ValarTamil Publications

AgriDoctor & Kaalaimani

பிரீமியம் ஹேட்ச்பேக் விற்பனையில் முதலிடம் பிடித்தது மாருதி கார்

மும்பை, மே 18

பிரீமியம் ஹேட்ச்பேக் விற்பனையில் மாருதி கார் முதலிடம் பிடித்துள்ளதாக தகவல்கள் வெளியாகியுள்ளது.

இது குறித்து விரிவான செய்தியாவது: இந்திய சந்தையில் பிரீமியம் ஹேட்ச்பேக் பிரிவில் மாருதி சுசூகி பலேனோ மாடல் ஏப்ரல் மாத விற்பனையில் முதலிடம் பிடித்துள்ளது. பலேனோ மாடலை தொடர்ந்து டாடா அல்ட்ரோஸ், ஹூண்டாய் ஐ20, டொயோட்டா கிளான்சா மற்றும் வோக்ஸ்வேகன் போலோ போன்ற மாடல்கள் அடுத்தடுத்த இடங்களை பிடித்துள்ளன.

மேலும், மாருதி சுசுகி பலேனோ மாடல் ஏப்ரல் மாதத்தில் மட்டும் 16,384 யூனிட்கள் விற்பனையாகி இருக்கின்றன. இதை தொடர்ந்து டாடா அல்ட்ரோஸ் மாடல் 6649 யூனிட்களும், ஹூண்டாய் ஐ20 மாடல் 5002 யூனிட்களும், டொயோட்டா கிளான்சா மாடல் 2182 யூனிட்களும், வோக்ஸ்வேகன் போலோ மாடல் 1197 யூனிட்களும் விற்பனையாகி இருக்கின்றன.

இந்தியாவில் வோக்ஸ்வேகன் போலோ மாடல் துவக்க விலை ரூ.6,16,500 என்றும் டாப் எண்ட் மாடல் விலை ரூ.9,99,000 என நிர்ணயம் செய்யப்பட்டு இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

Spread the love