September 21, 2021

ValarTamil Publications

AgriDoctor & Kaalaimani

வருமான வரித் தாக்கல் செய்ய டிசம்பர் 31 வரை அவகாசம் நீட்டிப்பு

புது தில்லி, செப்.11

வருமான வரித்துறையின் மின்-தாக்கல் தளமான www.incometax.gov.in 2021 ஜூன் 7 அன்று தொடங்கப்பட்டது. அதில் தொழில்நுட்ப குறைபாடுகள் குறித்து வரிசெலுத்துவோர் மற்றும் பணியாளர்கள் தகவல் அளித்து வந்தனர். பிரச்சினைகளுக்கு தீர்வு காண்பது குறித்து இத்திட்டத்திற்கான சேவை வழங்குனரான இன்போசிஸ் நிறுவனத்துடன் நிதி அமைச்சகம் தொடர்ந்து பேசி வருகிறது.

2021 செம்டம்பரில் தினமும் 3.2 லட்சம் வருமான வரி விவரங்களின் தாக்கல்கள் நடைபெற்று வரும் நிலையில், 2021-22 மதிப்பீட்டு வருடத்தில் 1.19 கோடி வருமான வரி விவரங்களின் தாக்கல்கள் செய்யப்பட்டுள்ளன. இதில் 76.2 லட்சத்திற்கும் அதிகமான வரி செலுத்துவோர் ஆன்லைன் முறை மூலம் செய்துள்ளனது குறிப்பிடத்தக்கது.

2021-22 மதிப்பீட்டு வருடத்திற்கான வருமான வரி தாக்கல் செய்வதற்கான கடைசி தேதி 2021 ஜூலை 31-ல் இருந்து 2021 செப்.30 ஆக நீட்டிக்கப்பட்டிருந்த நிலையில், அது தற்போது 2021 டிசம்பர் 31 வரை மேலும் நீட்டிக்கப்பட்டுள்ளதாக செய்திகள் வெளியாகியுள்ளது. மேலும், 2020-21-ம் வருடத்திற்கான தணிக்கை அறிக்கையை தாக்கல் செய்வதற்கான கடைசி தேதி 2021 செப்டம்பர் 30-ல் இருந்து 2021 அக்டோபர் 31 ஆக நீட்டிக்கப்பட்டிருந்த நிலையில், அது தற்போது 2022 ஜன.15 வரை மேலும் நீட்டிக்கப்பட்டுள்ளது.

சர்வதேச பரிவர்த்தனை அல்லது சட்டத்தின் 92ஈ பிரிவின் கீழ் குறிப்பிட்ட உள்நாட்டு பரிவர்த்தனைகளில் ஈடுபட்ட நபர்கள் 2020-21-ம் வருடத்திற்காக சமர்ப்பிக்க வேண்டிய கணக்காளரிடம் இருந்து பெற்ற அறிக்கைக்கான கடைசி தேதி 2021 அக்டோபர் 31-ல் இருந்து 2021 நவ.30 ஆக நீட்டிக்கப்பட்டிருந்த நிலையில், அது தற்போது 2022 ஜனவரி 31 வரை மேலும் நீட்டிக்கப்பட்டுள்ளதாக செய்திகள் வெளிவந்துள்ளது.

Spread the love