September 21, 2021

ValarTamil Publications

AgriDoctor & Kaalaimani

வாட்ஸ்அப் செயலியில் சாட்களை புதுவிதமாக பேக்கப் செய்யும் வழிமுறை விரைவில் அறிமுகம்

மும்பை, செப்.13

வாட்ஸ்அப் செயலியில் சாட்களை புதுவிதமாக பேக்கப் செய்யும் வழிமுறை விரைவில் வழங்கப்பட இருப்பதாக செய்திகள் வெளிவந்துள்ளது.

வாட்ஸ்அப் செயலியின் ஆண்ட்ராய்டு மற்றும் ஐஓஎஸ் பதிப்புகளில் எண்ட்-டு-எண்ட் என்க்ரிப்ட் செய்யப்பட்ட கிளவுட் பேக்கப் அம்சம் விரைவில் வழங்கப்பட இருக்கிறது. இந்த அம்சம் கொண்டு பயனர்கள் தங்களின் சாட்களை ஆப்பிள் ஐகிளவுட் அல்லது கூகுள் டிரைவில் எண்ட்-டு-எண்ட் என்க்ரிப்ட் செய்து கொள்ள முடியும் என தெரிவித்துள்ளது.

மேலும், எண்ட்-டு-எண்ட் என்க்ரிப்ட் செய்யப்பட்ட கிளவுட் பேக்கப் அம்சத்தை வாட்ஸ்அப் தனது பயனர்களுக்காக உருவாக்கி இருக்கிறது. குறிப்பாக வாட்ஸ்அப் செயலியின் குறுந்தகவல்களுக்கு எண்ட்-டு-எண்ட் என்க்ரிப்ட் அம்சம் 2016 ஆம் ஆண்டு முதல் வழங்கப்பட்டு வருகிறது. புது அம்சம் குறித்த அறிவிப்பை பேஸ்புக் தலைமை செயல் அதிகாரி மார்க் ஜூக்கர்பர்க் தனது பேஸ்புக் பதிவில் தெரிவித்து இருக்கிறார். இந்த அம்சம் ஆண்ட்ராய்டு மற்றும் ஐ.ஓ.எஸ். சாதனங்களில் வரும் வாரங்களில் வழங்கப்படும் என தகவல்கள் வெளிவந்துள்ளது.

Spread the love